فخارة الكباب التركي

المكوّنات
كيلو لحمة مقطعة مكعبات
2 بصلة كبيرة شرائح
خضار :
2 كوب بطاطس او كوسة او جزر او كلهم مع بعض قطع مكعبات حسب الرغبة
قليل زيت او سمن
2 كوب مية
5 او 6 فصوص توم مقطع شرايح
للعجين:
2 كوب دقيق
م.ك. سكر
م.ك. خميرة
رشة ملح
2 م.ك. زيت زيتون
قليل لبن او مية دافية للعجن
رشة سمسم
قليل ميه فاترة

طريقة التحضير
في حلة تيفال هنحط الزيت او السمن ونشوح فيهم مكعبات اللحمة لغاية مايتغير لون اللحمة

هنحط الملح والبهارات وبعدين نضيف البصل ونقلبهم شويتين

نضيف كوبايين المية ونغطي الحلة ونهدي النار

في الوقت اللي احنا مستنيين سوا اللحمة فيه هنعجن العجينة: هنخلط كل المكونات الجافة ونضيف المية اواللبن ونعجن لحد مانوصل لعجينة متماسكة غير لاصقة

بعدين نضيف زيت الزيتون ونعجن تاني لحد ما تتداخل كل المكونات كويس جدا. هنسيبها تخمر ساعة تقريبا على ماتستوي اللحمة

قبل انتهاء سوا اللحمة بحوالي ربع ساعة تقريبا نضيف الخضار و الثوم ونسيبه يستوي

هنحضر طواجن فخارية صغيرة بعدد افراد الاسرة ونقسم فيها الخضار واللحمة المستوية

مجرد ماتخمر العجينة نفردها بالنشابة ونقطعها دواير اكبر من الطاجن اللي هنحطها عليه

ندخلها الفرن حوالي 10 دقايق او ربع ساعة على درجة 200

نغطي كل طاجن بدايرة من العجين وندهنها بزيت الزيتون ورشة سمسم


اول ماتخرج من الفرن نرشها برذاذ ميه فاترة عشان يفضل العيش طري عند التقديم


نقدمها مع رز بالشعيرية وسلطة تبولة او اي نوع سلطة تحبيها لان كل السلطات هتبقى روعة مع الاكلة دي 😍

فخارة اللحم التركيةفخارة اللحم بالعجين الطاجن التركي باللحم فخارة اللحم التركية بالعجين طريقة اللحم المغطى بالعجين طريقة عمل فخارة اللحمة التركيةطاجن اللحم بالعجين التركي طريقة عمل اللحم داخل العجين

تفضّل مشكوراً بمشاركة الموضوع